Ilaasortaq toquppat – qanoq iliussaanga?
Piffissaq sioqqullugu suleriaaseq tamakkerlugu ilisimasariaqanngilat. Peqatigiiffik attavigiuk,
ilaasortaanermut kiisalu ilaasortap ikiorsiissutaasinnaatitaaffigisaanut tunngatillugu
paasisaqarfiginissannut ikiussuatsigit.
Peqatigiiffik attavigiuk
Ammasarfiit
Ataasinngorneq, pingasunngorneq tallimanngornerlu
nal. 10:00 - 14:00
Najugaq
Blok 3, 007
3900 Nuuk, Kalaallit Nunaat
Qanoq iliussaavit?
Peqatigiiffik attavigiuk
Ilaasortaq toqusoq nalunaarutigiuk.
Ilaasortaaneq misissussavarput
Ilaasortap killiffia kiisalu ilaasortap qanoq ikiorsiiffigineqarsinnaanera misissussavarput.
Ingerlariaqqinnermi ilitsersussavatsigit
Peqatigiiffiup qanoq ikiorsinnaanera kiisalu tamatuma kingorna qanoq pisoqassanersoq nassuiassavarput.
Paasissutissat uku piareersimappata iluaqutaassaaq
- Toqusimasup aqqa tamakkerlugu
- Ulloq inunngorfia / kinaassutsimut paasissutissaq
- Ulloq toquffia
- Qanigisaasut attaveqarfissaasa paasissutissaat
- Ilaasortap normua, ilisimaneqarpat
Paasissutissat tamaasa piareersimanngikkaluarlugit attavigisinnaavatsigut.
Ilaasortaaneq matussusiinerlu misissoqqissavagut
Attavigigutsigut siullermik toqusoq ilaasortaanersoq misissussavarput. Tamatuma kingorna ilaasortap malittarisassat atuuttut naapertorlugit qanoq ikiorsiiffigineqarnissaanut pisinnaatitaaffia paasinarsissavarput.
Ilaasortaaneq qanoq ikiorsiissutaasinnaava?
Illerfik
Peqatigiiffik illerfimmut ikiorsiissuteqarpoq.
Sanningasoq
eqatigiiffik sanningasumik atugassanngortitsisarpoq.
Iliveqarfimmut angallassineq
Illerfiup Nuummi iliveqarfimmut angallanneqarnera
Peqatigiiffiup katinngataa
Katinngat ilisinermi atorneqartarpoq
Aaqqissuussami ikiuneq
Paqatigiiffik aaqqissuussami ikiusinnaasarpoq
Ikiorsiissutit aalajangersimasut ilaasortaanerup killiffianit malittarisassanillu atuuttunit aalajangerneqartarput.
Ilisimassallugu pingaarutilik
- Iliveq assanneqarnera ilaanngilaq, taanna kommunip akisussaaffigaa.
- Ilaasortaaneq toqusoqarnerani ilisinerullu nalaani aningaasartuutinik tamanik toqqaannartumik matussusiineq ajorpoq.
- Ilaasortanut Danmarkimi najugaqartunut illerfik kisimi matussuserneqartarpoq.
- Ikiorsiissutit aalajangersimasut ilaasortaanerup killiffianit malittarisassanillu atuuttunit aalajangerneqartarput.
Tamatuma kingorna qanoq pisoqarpa?
Ilaasortaaneq misissoareerutsigu piaarnerpaamik attavigissavatsigit. Peqatigiiffiup qanoq ikiorsinnaanera pillugu paasissutissiissavugut, ilisinerullu ingerlanneqarnerani suliassat praktiskiusut aqqutigalugit ilitsersorlutit. Ikiuinissamullu piareersimavugut – aamma ilaanni nalornissuteqaraluaruit.
Apeqqutigineqakkajuttut
Ilaasortap normua ilisimassavara?
Naamik. Ilaasortap normua ilisimanngikkukku peqatigiiffik ilaasortaanermik misissuiniarnermi ikiorsinnaavoq. Toqusimasup aqqa CPR-normualu piareersimagukkit iluaqutaassaaq.
Toqusimasoq ilaasortaanersoq nalugukku qanoq iliussaanga?
Illerfissarsiutileqatigiit attavigikkit. Toqusimasoq ilaasortatut nalunaarsorneqarsimanersoq misissussavarput, ingerlariaqqinnissannullu ilitsersorlutit.
Ilaasortaaneq suna imarivaa?
Ilaasortaaneq ilaatigut illerfimmik, sanningasumik, Nuummi iliveqarfimmut angallassinermik, peqatigiiffiup erfalasuanik kiisalu ceremoniimut atatillugu ikiorsiissutinik imaqarsinnaavoq. Ikiorsiissutit peqatigiiffiup malittarisassai aalajangersagaalu atuuttut naapertorlugit tunniunneqartarput.
Ilaasortaaneq ilisinerup aningaasartuutai tamaasa matussuserpai?
Naamik. Ilaasortaaneq taamaallaat peqatigiiffiup malittarisassaani allassimasut naapertorlugit ikiorsiissutinut atuuppoq. Toqusoqarneranut ilisineranullu atatillugu aningaasartuutit allat peqatigiiffimmit akilerneqarnissaat qulakkeerneqanngilaq.
Paasissutissat suut piareersimasariaqarpat?
Toqusimasup aqqa tamakkerlugu, CPR-normua, ilisimagukku ilaasortap normua kiisalu sumi toqusoqarsimanera pillugu paasissutissat piareersakkit. Aamma nammineq atit telefonnummerillu nalunaarutikkit, attavigisinnaaniassagatsigit.
Ilaasortaq Danmarkimi najugaqarpat qanoq atuuppa?
Ilaasortat Danmarkimi najugaqartut peqatigiiffiup malittarisassai naapertorlugit illerfimmut matussusiivigineqarsinnaapput. Toqusoqarneranut, ikuallaassinermut, ceremoniimut, angallassinermut imaluunniit sullissinernut allanut aningaasartuutit ilaatinneqanngillat. Illerfik pillugu isumaqatigiissuteqannginnermi peqatigiiffik attavigiuk.
Attavigisariaqarpitsigut?
Illit ilaquttatillu ikiorniarlusi maaniippugut.