Malittarisassat

Illerfissarsiutileqatigiinnut

Malittarisassani ilaatigut peqatigiiffiup siunertaa, ilaasortaanermut tunngasut,
ilaasortaanermut akiliut, ilaasortat pisinnaatitaaffii kiisalu toqusoqarnerani
peqatigiiffiup ikiorsiissutai nassuiarneqarput.

Malittarisassat atuuttut

Uani malittarisassat atuuttut atuarsinnaavatit aallugillu.

Malittarisassat danskisut aakkit (PDF)

Danskisut tamakkiisumik allaqqasut aajuk

PDF aajuk

Malittarisassat kalaallisut aakkit (PDF)

Kalaallisut tamakkiisumik allaqqasut aajuk

PDF aajuk

Atuutilerput: 25. marts 2026

Malittarisassat 21. marts 2025-imi ataatsimeersuarnermi akuersissutigineqarput, 25. marts 2026-imilu atsiorneqarlutik.

Malittarisassat

Kapitalit ataasiakkaat toorlugit imarisai atuakkit.

1. Aqqa najugaalu

Imm. 1. Peqatigiiffiup aqqa tassaavoq Illerfissarsiutileqatigiit
Imm. 2. Peqatigiiffiup angerlarsimaffia tassaavoq Nuuk
Imm. 3. Peqatigiiffiup pilersinneqarfigaa Februaari 16-ia 1967

Imm. 1. Peqatigiiffiup sulissutiginiassavaa ilaasortaq kinaluunniit toquppat, ukiumullu akiliutissani
isumagisimallugu, ilisaanerani illerfik sanningasoq illerfiullu biiliunneqarnera akilernissai. Ilaasortaq
Danmarkimi najugallip toqukkut qimaguppat illerfik peqatigiiffiup kisiat akilertarpaa.
Imm. 2. Toqusoqartillugu ilaasortaq kinaluunniit toquppat peqatigiiffiup katinngataa erfalasoq
ilisinermi naalagiuserineqarnerani peqataatinneqassaaq. Ilaqutaasut kissaatigippassuk akiarnermi
peqatigiiffik ikiuutaassaaq, aammattaaq ilaqutaasut, ikinngutaasulluunniit kissaatigippassuk
katingammik tigummiartinneqarsinnaapput.
Imm. 3. Ataqqinaammik ilaasortaq iliveqarfimmut qaniorneqassaaq.

Imm. 1 Peqatigiiffik ilaasortanit ingerlanneqassaaq siulersuisut pisortaralugit, sulissutiginiassallugu
kikkulluunniit piumasut ilaasortanngornissaat.

Imm. 1 Kikkulluunniit ilaasortaasinnaapput, naartumiit utoqqarsuarnut. Ilaasortanngorniaraanni
siulittaasumut aningaaserisumulluunniit nalunaartoqarsinnaavoq, peqatigiiffiup allaffianut, e-
mailianut, mobilikkut nittartakkulluunniit ilaasortanngorsinnaavoq, innuttaasoq nammineerluni
aningaaserivikkut MobilePay-ikkulluunniit akiliinianngikkuni.
Imm. 2. Ukiumut akiliut:
Naartumiit meeqqamut 17-inik ukiulimmut: 150,00 Koruuni.
Inersimasumut 18-inik ukiulinniit: 300,00 koruuni.
Utoqqalinersiallit aammalu siusinaartumik suliunnaarnersiutisiallit: 200,00 koruuni.
Ukioq nutaami akiliiffissap killiliunnera marsi naaneranut inissisimavoq. Ukiumoortumik
akiliuteqartassapput, qanorlu akiliuteqarnissaq ataatsimeersuarnermi aalajangerneqartassaaq.
Imm. 3. Kinaluunniit 65-inik ukioqalereerluni aatsaat ilaasortanngortoq, ilaasortaanermut akiliut
ukiut qulit nalinga akileqqaassavaa, taamaalereeruni allatuulli ilaasortatut ukiut tamaasa akiliisarnini
ingerlatiinnassavaa. Kinaluunniit 65-ileeriinngikkaluarluni piartortoq, tassa toqqutissaminik nappaateqarluni ilisimagaa aatsaat ilaasortanngortoq, ilaasortaanermut akiliut ukiut qulit nalinga akileqqaassavaa, taamaalereeruni allatuulli ilaasortatut ukiut tamaasa akiliisarnini
ingerlatiinnassavaa. Nammineerluni aningaaserivik, MobilePay, nittartagaq aqqutigalugu akiliisoqarsinnaavoq, akiliunneqartullu inuup normua ilaasortaanermulluunniit normu ersarissarlugu, akiliisoqartassaaq ukiumi nutaami qaammat marsip naanera nallertinnagu.
Imm. 4. Ukiumut qaangiuttumut akiliisimasut kisimik qinigassanngortissinnaapput
qinersisinnaallutillu. 18-inik ukioqalereersimasut kisimik qinigassanngortissinnaapput
qinersisinnaatitaallutillu.
Imm. 5. Ilaasortaanermut ilaasut tassaapput: ilaasortaq toqukkut qimagunnerani illerfik
sanningasoq illerfimmillu biiliussineq peqatigiiffiup tunissutigissavai, ilaasortarli Danmarkimi
najungaqarpat illerfik kisiat tunniunneqartarpoq, ilisinermi peqatigiiffiup katinngataa erfalasoq
naalagiuserinninnermi peqataatinneqassaaq. Ilaqutaasut kissaatigippassuk akiarnermi
peqatigiiffimmi siulersuisut sinniisussalluunnit ikiuutaassapput, aammattaaq ilaqutaasut,
ikinngutaasulluunniit kissaatigippassuk katingammik tigummiartinneqarsinnaapput. Iliveqarfimmi
assaaneq ilaanngilaq.
Imm. 6. Peqatigiiffimmi ataqqinaammik ilaasortanngortitsineq: A) Ukiorpassuarni
siulersuisooqataalluni sulisimasoq. B) Ukiorpassuarni ilaasortaasimasoq, ukioq ataatsimi ilaasortani
innersuunneqartut arlaliuppata makitsinermi ataaseq aalajangerneqassaaq. Ukiut amerlassusaat
naammannersut siulersuisut aalajangertassavaat. Ataqqinaammik ajunngitsorsiaritinneqartartoq
aningaasanngorlugu 500 koruuni juullilernerani tunniunneqartarpoq.

Imm. 1. Ataatsimeersuarnermi qinikkat siulersuisut tallimaassapput. Qinersinermi qinigaasut
tulliusuni pingasut sinniissussamaataassapput.
Imm. 2. Siulersuisut aningaasanik kajumissaatisinneqartassapput, kajumissaatisiallu qassiunissaat
ukiumoortumik ataatsimeersuarnermi aalajangerneqartassaaq.
Imm. 3. Siulersuisunut ilaasortaq, siulittaasoq imaluunniit aningaaserisoq soraarniuteqassaguni
qaammammik ataatsimik sioqqutsisumik allagaqarluni nalunaartassaaq.

Imm. 1. Peqatigiiffiup aningaasaatai aningaaserivimmiitinneqassapput. Konti marluussapput,
ataaseq pilertortumik tigusiffiusinnaasoq, aappaalu erniortitsivik.
Imm. 2. Atoriataagassanik tigusiniarneq aningaaserisup siulittaasullu/siulittaasup-tulliatalu
akuersinerisigut pisassaaq. Konto erniortitsivik tigusiffiusariaqalissappat tamaaliornissaq pisassaaq
siulersuit tamarmiullutik akuersinerisigut.
Imm. 3. Peqatigiiffiup aningaasaatai taarsiassarsiaritinneqartassanngillat. Naatsorsuutit
amigartooruteqarfiussappata tamanna siulersuisunut tamarmiullutik akisussaafigaat.
Imm.4. Siulittaasoq aningaaserisorlu katisimappata kisimiillutik aningaasatigut
aalajangiisinnaatitaanngillat atsioqatigiissinnaanatillu. Taama inissisimasoqartillugu siulittaasutut
tulliusoq aappaattut atsioqataasassaaq aalajangeeqataalluniluunniit. Uani immikkoortumi inhabilitet
pineqarpoq.

Imm. 1. Ullulerneqassapput Januaarip aallaqqaataaniit Decembarip naggataanut.
Imm. 2. Peqatigiiffik aningaaserivimmut atorniartariaqalissappat tamanna ilaasortanut
saqqummiunneqassaaq, amerlanerillu kissaatigippassuk siulittaasoq aningaaserisorlu
piginnaatinneqassapput.

Imm. 1. Peqatigiiffik ilaasortaminut ataatsimeersuartitsisassaaq kingusinnerpaamik qaammat marsi
naatinnagu, taamatut inissinneqarnera peqqutaavoq naatsorsuutinik kukkunersiuisut
naammassinnilluarnissaannik periarfissilluarniarlugit. Ataatsimeersuarnissaq, attaveqaatit
assigiinngitsutigut, kingusinnerpaamik nalunaarutigineqartassaaq sap.akun. sisamanik
sioqqutsisumik.
Siunnersuutigiumasat allaganngorlugit siulersuisunut tunniunneqartassapput kingusinnerpaamik
ataatsimeersuarnissaq sap.akun. marlunnik sioqqutsisumik.
Ukiumoortumik naatsorsuutit ataatsimeersuarnermi saqqummiussassat kukkunersiuisup
siulersuisullu atsioreersimassavaat.
Aqutsisussatut akuerisap ataatsimeersuarneq siulersortassavaa, ataatsimeersuarnerullu
imaqarniliornera malittarisassallu akuerineqarnerat ilanngullugu aamma atsiortassallugu.
Ataatsimeersuarnermi oqaluuserisassat allattaavissuarmut allanneqarnissaat Siulersuisut
isumagissavaat, Allatsi Siulittaasorlu atsiortoralugit.

Imm. 2. Siulersuisut inissisimaneri: Siulersuisut tallimaasarput.
Siulittaasoq Aningaaserisorlu ukiuni marlunni ingerlassapput, paarlakaajaallutik. Siulittaasoq ukiuni
akunnaatsuni, aningaaserisoq ukiuni akunnattuni qinerneqartarput.

Imm. 3. ATAATSIMEERSUARNERUP INGERLARIUSAA:
- Siulittaasoq tikilluaqqusilluni ataatsimeersuarneq ammassavaa.
- Aqutsisussamik toqqaaneq
- Peqataasuni taasisinnaasut inissinneri
- Oqaluuserisassat akuerineqarnerat
- Siulersuisut nalunaarutaat
- Naatsorsuutit kukkunersioriikkat saqqummiunneqarneri
- Siunnersuutit tunniunneqartut oqaluuserineqarneri
- Siulittaasussamik qinersineq
- Aningaaserisussamik qinersineq
- Siulersuisussamik qinersineq
- Kukkunersiuisussamik qinersineq
- Siulersuisut ajunngitsorsiassaanik aalajangiineq
- Tamalaat.

Imm. 1. Ilaasortat marluk-pingajorarterutaasa (2/3) kissaatigippassuk immikkut ittumik
ataatsimeersuartoqarsinnaavoq, pissutigineqartoq Siulersuisut akuerippassuk. Ullulerneqarnissaa
Siulersuisut aalajangissavaat.
Imm. 2. Immikkut ittumik ataatsimeersuarnissaq attaveqaatit assigiinngitsutigut
ataatsimeersuarnissaq sap. akun. marlunnik sioqqullugu nalunaarutigineqassaaq.
Imm. 3. Immikkut ittumik ataatsimeersuarnermi ataatsimeersuarnerup ingerlariusaa assigalugu
ingerlanneqassaaq. Naatsorsuutit kukkunersioriikkat saqqummiunneqassapput, piumasarineqarpallu
siulersuisunik qinerseqqittoqarluni.

Imm. 1. Ilaasortaq illoqarfimmut nunaqarfimmulluunniit allamut nuuleruni Peqatigiifimmut
akiliutigisimasani utertissinnaanngilai, akiliisarninili ingerlatiinnarumaguniuk tamanna
siulersuisunut nalunaarutigissavaa, atsiukkaminik uppernarsaaserlugu.

Imm. 1. Nunaqarfiit Qeqertarsuatsiaat Kapisillillu piumagunik immikkoortortaqarsinnaapput.
Ilaasortat akiliutaat Nuummut nassiuttarlugit, aningaasanillu katersuiniaqataassassallutik.
Namminneq immikkut Peqatigiiffeqalissagunik, Nuummi Peqatigiffimmut ilasortaajunnaassapput,
suleqatigiittoqarsinnaavorli.

Peqatigiiffiup ullorsiortarfigaa ulloq februaarip 16-at

Imm. 1. Peqatigiiffiup atorunnaarsinneqarnissaa ilaasortat marluk-pingajorarterutaasa (2/3)
piumappassuk ataatsimeersuarnermi aalajangiunneqassaaq.
Imm. 2. Peqatigiiffiup atorunnaarsinneqarnissaa taasisitsinermi amerlanerussuteqartunit
akuerineqarpat Siulersuisut ilaasortanut nassuiaammik nassiussissapput, peqqutit taavalu
atorunnaarsitsinissap ulluanik nalunaarfigalugit. Ilaasortaanermut akiliutit akilerneqarsimasut
utertinneqassanngillat, aamma ilaasortaanermut akiliutinik akiliisussaaneq ulloq
atorunnaarsitsiffissaq tikillugu atuutissaaq.
Imm. 3. Peqatigiiffimmik atorunnaarsitsinissaq taasisitsinikkut aalajangerneqarpat Siulersuisut
kattuffinnut, kattuffimmik nangitsiunnaartussanut ilisimatitsissummik nassiussaqassapput,
nalunaarfigalugit Illerfissarsiutileqatigiit Nuuk atorunnaarsinneqarnerata kingorna taassuma pigisai,
Igdlerfissarsiutileqatigiit Nuuk ilaasortaasa ilaannut, Kattuffinnut pineqartunut
nuunneqarsinnaasunut naapertuuttut ulloq siumut aalajangerneqarsimasoq nallertinnagu
nangissinnaagaat. Igdlerfissarsiutileqatigiit Nuuk pigisaanik nangitsinissamik qinnuteqaammut
ilanngunneqassapput ileqqoreqqusat atuuttut, Peqatigiiffiup suliamut tunngatillugu siunertaasa,
ilaasortaqatigiinnut nuunneqartunut naapertuuttuuneranik uppernarsaataasut.
Imm. 4. Pigisanik nangitsinissamik qinnuteqaat ulloq piffissaliunneqartoq, tak. imm. 3,
nallertinnagu saqqummiunneqanngippat pigisat qanoq atorneqarnissaat Siulersuisut
aalajangissavaat.

Apeqqutissaqarpit?

Ilaasortaaneq imaluunniit malittarisassat pillugit apeqqutissaqaruit, qaqugukkulluunniit attaviginissatsinnut tikilluaqqusaavutit.

Attavigitigut