Peqatigiiffimmut tunngasut assigiinngitsut
Tamaana peqatigiiffimmut, takorluukkanut, anguniakkanut, utertitsinermut maalaarnermullu tunngasut nassaarisinnaavatit. Ataatsimoornermi sunniuteqarluartumik pilersitsinissamik suliniuteqarsimavugut, tassanilu tamarmik tikilluaqqusaallutik.
Anguniagaq
Illerfissarsiutileqatigiit siunertaa tassaavoq ilaasortap maanna inuunerisaata naanerani naleqartutut ataqqinartumik inuulluaqqunissaa. Peqatigiiffiup illerfimmik, sanningasumik, toqusut inaaniit naalagiuserivissamut iliveqarfimmullu angallassinermik tapersersuisarput. Qanigisaasut piumasarigaangassuk akiarnermi ikiuussinnaasarpugut. Toqu qaqugukkulluunniit ammasumik ataqqinnittumik isumassuisumillu oqallisigisinnaanissaa anguniagariuassavarput.
Takorluugaq
Peqatigiiffiup takorluugaa tassaavoq nuna tamakkerlugu illerfissarsiutileqatigiit kattuffeqalernissaa. Inuiaqatigiit atugaat eqqarsaatiginngikkaluarlugu ataatsimoorfissaq pilersinnissaa – inuunerup naanerani isumassorluta ataatsimoorfissatsinnik. Kinaluunniit qimagaasoq aliasulluni naggammik qaniuinerani ilalersorneqarnissaa sulissutigiuarusupparput. Peqatigiiffik siuarsimasutut inuppalaartutullu, ileqqutoqqat – inuullu ataatsip kissaatai naapertorlugit ingerlasutut ilisimaneqarnissaa kissaatigaarput.
Naleqartitat
Ataqqinassuseq
Kinaluunniit ataqqinassusilimmik qaniorneqassaaq – qanorluunniit tunuliaquteqaraluaruni inuunerminilu inissisimavia apeqqutaatinnagu.
Ilaqatigiinneq
Ataatsimoorfeqaqatigiinneq nukiusoq upperaarput. Peqatigiiffitta ersoqatigiinneq, ikioqatigiinneq, inuppalaartumillu isumassuineq tunngavigalugit napavoq.
Toqqissisimaneq
Piffimmi artornarsinnaasumi ersarissumik isumaqatigiinnikkut, tapersersuinikkullu toqqissisimatitsineq ujartortuarparput.
Ataqqinninneq
Kinaluunniit inuunermi toqumilu ataqqinnilluta naapittarparput.
Ammasuuneq
Inuuneq toqulu immikkoortinneqarsinnaannginneri oqallisigisinnaanissai sulissutigiuarparput – timitalerneri ileqqullu assigiinngitsut inissaqartillugit.
Utertitsineq maalaarnerlu
Siullertut: Utertitsissaguit maalaaruteqassaguilluunniit allagaqarit
Tamaana nittartakkakkut immersuiffik immersorlugu allagaqarsinnaavutit imaluunniit emailitsinnut toqqaannaq allagaqarsinnaavutit. Taamaasiguit suliaq ajornannginnerusumik ingerlaassooq. Paasissutissat pisariallit ilanngunnissai eqqaamallugit.
Aappaattut: Tigusinermik uppernsarsaaneq
Utertitsinissamut allagaqaat imaluuniiit maalaarut nassiuttareernerani tiguneqarneranut uppernarsaat nassiunneqassaaq. Uppernarsaammi allaqqassooq suliaq qanoq ingerlassanersoq.
Pingajuattut: Suliarinera
Allagaqaat siulersuisunit isumagineqassaaq, kingusinnerpaamik ullut 14nit akineqassaatit - allamik isumaqatigiittoqarsimanngippat.
Apeqqutissaqaruit allaffigisinnaavatsigut.
nuummi@illerfissarsiutileqatigiit.gl
Telefon
Aamma sianersinnaavutit. Oqarasuaat ammasarpoq ulluinnarni nal. 9:00 - 16:00 tungaanut
+299 27 31 16
Allaffik
Iserusukkutsigut allaffitsinnut alakkaasinnaavutit. Ataa.-pinga.-tall. nal. 10:00-14:00 ammasarpoq
Blok 3 nr. 007, 3900 Nuuk, Kalaallit Nunaat
